जेठ २६ । दोश्रो सुनकोशी तरुणदल खुल्ला फुटबल
प्रतियोगिता सुनकोशी गाउँपालिकाको खेलमैदानमा
शुरु भएको छ । नेपाल तरुणदल
सुनकोशी गाउँकार्यसमितिको आयोजनामा शुक्रबारबाट प्रतियोगिता शुरु भएको हो ।
शुक्रबार औपचारीक कार्यक्रमको अयोजना गरी प्रतियोगिताको शुरुवात गरिएको छ ।
नकआउटको आधारमा
खेलाइने खेल जेठ २८ गते सम्म खेलाईने आयोजकले जानकारी दिएको छ । प्रथम, द्वितिय र तृतिय
हुनेहरुलाई क्रमशः रु १ लाख, ७० हजार, ४० हजार नगद सहित शिल्ड मेडल र प्रमाण पत्र
वितरण गरिने आयोजकले जनाएका छन् । त्यसै गरी विधागत तर्फ बेष्ट स्ट्राइकर ५ हजार, बेष्ट प्लेयर ५ हजार, बेष्ट गोलकिपर ५ हजार, बेष्ट मिडफिल्डर ५
हजार,
बेष्ट डिफेन्डर ५
हजार र बेष्ट कोचलाई ५ हजारका दरले नगद पुरस्कार दिइनेछ ।
खेल संयोजक मनिस
तामङको अध्यक्षतामा र नेपाली कांग्रेसका
उपसभापति एवं सुनकोशी गाउँपालिकाका प्रमुख कमल तामङको प्रमुख आतिथ्यतामा सम्पन्न
भएको थियो ।
विशेष अतिथी सुनकोशी गाउँपालिकाका संस्थापक
प्रमुख रुद्र प्रसाद अधिकारी, नेपाली कांग्रेस कोशी प्रदेश सदस्य कुमार लुइटेल, जिल्ला समन्वय समिति
सदस्य भिम गौतम, गाउँपालिकाका प्रवक्ता प्रकाश सापकोटा लगायतको उपस्थिति रहेको थियो ।
प्रतियोगितामा जिल्ला र जिल्ला बाहिरका खेलाडी टिमको सहभागीता रहेको आयोजकले
बताएका छन् ।
