झगनखबर.कम
असार ५ । नयाँबानेश्वरस्थित संसद् भवन
परिसरमा नेपाल प्रहरीका एक जवानले गोली प्रहार गरेर आत्महत्या गरेका छन् । ड्युटीमा खटिएका अजित
गोलेले आफैले बोकेको हतियारले गोली हानी आत्महत्या गरेका हुन् ।
गोलेको शव बुधबार बिहान ८ बजे शौचालयमा फेला परेको काठमाडौं
प्रहरी प्रमुख वसन्त रजौरेले बताउनुभयो । प्रहरी जवान गोलेले आफ्नो सेवा राइफलबाट
निधारमा गोली प्रहार गरेको उहाँले जानकारी दिनुभयो ।
नेपाल प्रहरीका प्रवक्ता दानबहादुर
कार्कीले गोले घटनास्थलमै मृत फेला परेको जानकारी दिनुभयो । घटनाबारे थप बुझ्ने
काम भइरहेको उहाँले बताउनु भयो । ‘शौचालयतिर
गोली चलेको आवाज सुनेपछि गएर हेर्दा अन द स्पट डेथ भएको पाइयो,’ प्रवक्ता कार्कीले भन्नुभयो, ‘मृतकका साथीहरुसँग घटना हुनुभन्दा अगाडिको अवस्थाबारे
बुझ्ने काम भइरहेको छ ।’ उहाँका अनुसार गोलेको शवलाई सिभिल
अस्पतालमा पठाइएको छ ।
मृतक गोले दोलखाको मेलुङ गाउँपालिका ४
का बासिन्दा हुन् । उनी नेपाल प्रहरीको केन्द्रीय विशेष कार्यदल कपनमा दरबन्दी भई
संघीय संसद सुरक्षा बेस नयाँबानेश्वरमा कार्यरत थिए ।
