राजकुमार कार्की
जेठ ८ ।
लैंगिक समानता तथा सामाजिक समाबेशीकरण नीति कार्यान्वयन गर्न पञ्चवर्षीय
बिस्तृत कार्ययोजना तयार पारी हस्तान्तरण
गरिएको छ । युएनएफपीएको आर्थीक सहयोग तथा जुरी नेपालको प्राविधीक सहयोगमा तयार
पारिएको नीति सिद्धिचरण नगरपालिका र मोलुङ्ग गाउँपालिकालाई हस्तान्तरण गरिएको हो । नगर उपप्रमुख केदारबावु
बस्नेतको अध्यक्षता र नगर प्रमुख तेजन खनालको प्रमुख आतिथ्यमा बिहिबार बिहान
औपचारिक कार्यक्रमको आयोजना गरी नगरपालिकालाई हस्तान्तरण गरिएको छ । त्यसै गरी बिहिबार दिउसो मोलुङ्ग–२, रामपुरमा
मोलुङ्ग गाउँपालिकाकी उपाध्यक्ष उर्मिला
खतिवडाको अध्यक्षता र अध्यक्ष उत्तम राईको प्रमुख आतिथ्यमा भएको कार्यक्रममा
मोलुङ्ग गाउँपालिकालाई पनि हस्तान्तरण गरिएको युएनएफपीएकी कार्यक्रम संयोजक रेखा
श्रेष्ठले जानकारी दिनुभयो ।
परियोजना लागु भएका स्थानीय तहमा
उपप्रमुखको संयोजकत्वमा लैंगिक हिँसा न्युनीकरण सन्जाल गठन गरिएको छ । सिद्धिचरण
नगरपालिकामा १३ सदस्यीय र मोलुङ्ग गाउँपालिकामा ११ सदस्यीय सन्जाल गठन गरिएको छ ।
दुवै स्थानीय तहमा भएको समितिले तयार पारेको कार्ययोजनालाई युएनएफपीएको आर्थीक
सहयोग र जुरी नेपालको प्राविधीक सहयोगमा
टाइप प्रिन्ट गरी अन्तिम रुप दिइएको थियो
। हस्तान्तरण गरिएको नीति तथा
कार्ययोजनालाई कार्यपालिकाले पास गरी
कार्यान्वयनमा लैजानु पर्नेछ । नीति तथा
कार्ययोजनालाई जुरी नेपालकी प्रतिनिधी
तनुजा वस्नेतले कार्यक्रममा प्रस्तुत गर्दै ब्याख्या समेत गर्नुभएको थियो । लैंगिक हिँसा न्युनीकरण सन्जालको बैठक बसी
नीति तथा कार्ययोजनाको विषयमा छलफल समेत
भएको थियो । हस्तान्तरण गरिएको नीतिलाई
विषयगत समितिमा छलफल गरी यो आर्थीक वर्षमा नगरसभाबाट पारीत गरी
कार्यान्वयनमा लैजाने नगर प्रमुख तेजन खनालले बताउनु भयो । त्यसै गरी मोलुङ्ग
गाउँपालिकाले पनि आवश्यक छलफल गरेर गाउँसभाबाट पास गरी यहि आर्थीक वर्षबाट नै कार्यन्वयनमा लैजाने प्रतिबद्धता गरेका छन्
