कातिक २८ ।
जिल्ला समन्वय समिति ओखलढुगाको उप–निर्वाचनका लागि नेपाली कांगे्रस ओखलढुंगाले
सर्वसहमत उम्मेदवार चयन गरेको छ । नेपाली कांगे्रसका पुराना नेता, पूर्व जिल्ला पार्टी
सचिव,
महाधिबेशन प्रतिनिधी
टेकराज भट्टराई लाई सर्वसहमत उम्मेदवार
बनाएको हो । ओखलढुंगामा नेपाली कांग्रेस तर्फको बहुमत भएकाले भट्टराई जिल्ला
समन्वय समिति ओखलढुंगाको प्रमुखमा निर्विरोध निर्वाचीत हुनेछन् ।
नेपाली कांग्रेसमा
टेकराज भट्टराई, पार्टी जिल्ला सचिव अजय लुइटेल र दलित संघका जिल्ला अध्यक्ष होम बहादुर
बि.कको पनि दावी रहेको थियो । निर्वाचन नजिकीदै गर्दा जिल्ला पार्टी सभाति तेजन
खनाल ( तेजेन्द्र) को पहलमा सर्वसहमति चयन गरिएको बताएका छन् । २७ गते विहान
पार्टी सभापति तेजन खनाल र उम्मेदवारहरु बसेर सर्वसहमति गरी भट्टराईको एकल
उम्मेदवार प्रदेश कार्यसमितिमा सिफारीश गरिएको सभापति खनालले बताउनु भयो ।
आकांक्षीहरु प्रति तिक्तता बढ्ने र संगठनमा प्रत्यक्ष असर पर्ने भएकाले
उम्मेदवारहरुलाई एकैठाउँमा राखेर आपसी छलफल गरी सर्वसहमत उम्मेदवारको चयन गरिएको
सभापति खनालले बताउनु भयो ।
‘जिल्ला पार्टीको
पदधिकारी भएकोले पार्टी संगठनको जिम्मेवारी बहन गर्न र आगामी दिनमा पार्टीलाई
चुस्तदुरुस्त कायम राख्दै दर्बिलो संगठन निर्माणका लागि टेकराज भट्टराईलाई सहयोग
गरेको’, उम्मेदवारका आकाङक्षी जिल्ला पार्टी सचिव अजय लुइटेलले बताउनु भयो ।
पार्टीमा सहयोग सद्भाव कायम राख्दै पुराना नेता टेकराज भट्टराई लाई नै समर्थन गरी सहयोग
गरेको अर्काे उम्मेदवारका आकाङक्षी दलित संघका जिल्ला अध्यक्ष होम बहादुर
बिश्वकर्माले बताउनु भयो ।
ओखलढुंगा जिल्लामा
नेपाली कांग्रेसको एकल बहुमत रहेको छ । २०७४ साल देखि निरन्तर एकलौटी जिल्ला
समन्वय समिति नेपाली कांग्रेसले गठन गर्दै आएको छ । ०७९ को चुनावमा पनि नेपाली
कांग्रेसको तर्फबाट डिल्लीराम खनाल समन्वय प्रमुख हुनुहुन्थ्यो । खनालको २०८० साल
असोज १३ गते बेलुका शिक्षण अस्पताल काठमाण्डौमा क्यान्सरका कारण मृत्यु भएपछि जिल्ला समन्वय समितिको प्रमुख पद
खाली भएको थियो । समन्वय प्रमुख खनालको मृत्यु भएपछि उपप्रमुख तारादेवी कार्कीले
कार्यभार संहाल्दै आउनु भएको थियो ।
जिल्लामा भएका ८ वटा
स्थानिय तहको १६ मत मध्ये नेपाली कांग्रेसको ९ मत, नेकपा एमालेको ५ मत, माओबादी केन्द्रको १
मत र जनता समाजबादी पार्टी नेपालको १ मत गरी जम्मा १६ मत रहेको छ ।
