ओखलढुंगा २५, फागुन । सांस्कृतिक
तथा पर्यटन उत्सव, यस क्षेत्रको मुख्य आधार भन्ने मुल नाराका साथ पर्यटकिय स्थल थोलेदेम्बामा पर्यटन
प्रबद्र्धनको लागि बृहत सांस्कृतिक कार्यक्रम आयोजना गरिने भएको छ । दावा एग्रो
टुरिजम प्रा.लि ले नयाँ वर्ष २०८० को अवसरमा कार्यक्रम अयोजना गर्ने भएको हो ।
कार्यक्रममा विभिन्न जातिय झाँकीहरुको
प्रदर्शन गरिने दावा एग्रो टुरिजमका सन्चालक आङ दावा शेर्पाले जानकारी
दिनुभयो । नयाँ वर्षको अवसर पारेर बैशाख १ गते गरिने सांस्कृतिक कार्यक्रमको
बारेमा बिहिबार जिल्ला सदरमुकाम ओखलढुंगामा पत्रकार सम्मेलन गरि जानकारी गराउनु
भएको हो ।
दावा एग्रो टुरिजमले सन्चालनमा ल्याएको
रिसोर्ट गत माघ १० गते अचानक आगो लागेर
पुर्णरुपमा जलेको थियो । रिसोर्ट जलेर नष्ट भएपछि सोहि ठाउँमा नयाँ
कार्यक्रमको आयोजना गरि पर्यटकलाई सुविधा प्रदान गर्न लागेको बताएका छन् । नयाँवर्षको
अवसरमा देम्बा घुम्न आउने पर्यटकलाई मध्यनजर गर्दै सांस्कृतिक कार्यक्रमको अयोजना
गरिएको हो । थोले देम्बा समुन्द्री सतह देखि ३ हजार ३ सय ५० मिटरको उचाईमा रहेको
डाँडा हो । यो डाँडा बाट तराई लगायत विभिन्न ठाउहरु सजिलै अवलोकन गर्न सकिन्छ ।
चैत महिनाको अन्तिम देखि बैशाख महिना सम्म झपक्क फुलेका गुराँसको दृश्य अवलोकन
गर्न सकिन्छ । बैशाख १ गते नयाँवर्षमा थोले देम्बा घुम्न आउनको लागि आन्तरिक तथा
बाह्य पर्यटकलाई आह्वान समेत गरेको छ ।
