पुस २५, बिराटनगर । ओखलढुंगा जिल्लाका
सांसद बाबुराम गौतम प्रदेश नं. १ को सभामुख हुने पक्का भएको छ । नेकपा एमाले र नेकपा माओबादी लगायतको गठबन्धनमा
बनिने सरकारमा नेकपा एमालेको तर्फबाट
हिक्मतकुमार कार्की मुख्य मन्त्री नियुक्त भईसकेका छन् । दलिय सहमतिअनुसार नेकपा
माओबादीको भागमा परेको सभामुख पदमा दईजनाको दाबी रहेको थियो । सभामुखमा दाबी गरेका
माओबादीका अर्का नेता राजेन्द्र कार्कीले आफ्नो दाबी छोडे सँगै गौतमको सभामुख पद
पक्का भएको माओबादीका नेताले बताए । गौतम, ओखलढुंगा जिल्लाको
प्रदेश (ख) बाट निर्वाचित सांसद हुन् । नेकपा माओबादीका केन्द्रिय सदस्य समेत
रहेका गौतम प्रचण्डका विश्वासपात्रका रुपमा चिनिन्छन् । पुस २८ गते हुने सभामुख
पदको निर्वाचनमा बाबुराम गौतमको निश्चित भएको माओबादी केन्द्र प्रदेश नं. १ का
नेताले जानकारी दिए । नेकपा एमाले सँग सभामुख र ४ मन्त्रालय लिने गरी सहमति भएको पनि बताएका छन् ।
