ओखलढुंगामा घरमा विद्युत सर्ट हुँदा एकजनाको मृत्यु, घर जलेर नष्ट

झगनखबर

चैत ११ । ओखलढुंगा जिल्लामा घरमा  विद्युत सर्ट भई करेन्ट लागेर एक जनाको घट्नास्थलमै मृत्यु भएको छ भने घर जलेर नष्ट भएको छ । जिल्लाको चिसंखुगढी गाउँपालिका वडा नं ३ बोडीछापकी ५७ वर्षिय सिजन कुमारी थापाको करेन्ट लागेर मृत्यु भएको हो । आइतबार बिहान करिब ५ः३० बजेको समयमा अचानक बिद्युत सर्ट भई खड्ग बहादुर थापाको घरमा आगो लागेको थियो । विद्युत सर्ट हुँदा करेन्ट लागेर घरभित्रै बेहोस भएकी थपाकी श्रीमतिको मृत्यु भएको स्थानियबासीले जानकारी दिएका छन् । करेन्ट लागेर मृत्यु भएकी थापाको शवलाई आवश्यक कानूनी प्रकृया पुरा गरी पोष्टमार्टमका लागि पठाईएको  जिल्ला प्रहरी कार्यालयले जनाएको छ । विहान करिब ५ः३० मा लागेको आगो ६ः४५ बजे पुर्ण नियन्त्रणमा लिएको थियो । आगोलागीबाट ढुंगामाटोले बनेको दुइतले घर जलेर नष्ट भएको छ । घर जलेर नष्ट हुँदा घरभित्र भएका सम्पुर्ण सामग्रीहरु जलेर ३ लाख भन्दा बढीको क्षति भएको प्रहरी निरिक्षक एवं जिल्ला प्रहरी कार्यालयका सुचना अधिकारी  बलिस्टर सिँहले जानकारी दिनुभयो ।