असार २८ । गएराती चितवनको सिमलतालमा
पहिरोले बेपत्ता बनाएको दुइवटा बसबाट तीनजना यात्रु हामफालेर ज्यान जोगाउन सफल
भएका छन् ।
काठमाडौंबाट रौतहटको गौर गइरहेको गणपती डिलक्स बस बाट हामफोलेर ज्यान जोगाउन सफल भएका हुन ।
रौतहटको देवाही गोनाहीका दुई जना र
वृन्दावन नगरपालिकाको सिसवा धमौराका एक जनाले हाम फालेर ज्यान जोगाउन सफल भएका छन्
।
उहाँहरुलाई बस खसेको स्थानबाट उद्धार गरेर अर्को बसमा चढाइ नारायणगढ पुर्याइएको छ । सामाजिकसञ्जालमा सार्वजनिक भिडियोमा ती यात्रुले आफूहरु भाग्यले बाँचेको बताउनु भएको छ ।
ती यात्रुले बस खस्न थालेपछि आफू
क्याबिनतिरको झ्यालबाट हाम फालेर ज्यान जोगाएको बताउनुभयो। अरु दुई जनाले पनि
त्यसैगरी ज्यान जोगाउनुभएको छ ।ती यात्रुका अनुसार उहाँसँगै क्याबिनमा चार जना पनि
हनुहुन्थ्यो ।
चितवनको भरतपुर महानगरपालिका २९
सिमलतालमा पहिरोले दुईवटा यात्रु बस बगाएको छ। ती दुइवटा बसमा चालकसहित ६५ जना
यात्रु रहेको बताइएको छ ।
जिल्ला प्रहरी कार्यालय चितवनका अनुसार आज बिहान ३ः३० बजे दुई बस त्रिशूलीमा खसेका हुन् । प्रहरीका अनुसार काठमाडौँबाट रौतहटको गौर जाँदै गरेको गणपति डिलक्स र वीरगञ्जबाट काठमाडौँ जाँदै गरेको एञ्जल बस त्रिशूलीमा खसेका हुन् ।
फोटो: सामाजिक सन्जाल
यो पनि पढ्नुहोस
https://www.jhagankhabar.com/news/seOUY9-2024-07-12-082524
