असोज २१ ।
संघिय माननिय एवं राज्यव्यवस्था तथा सुशासन समितिका सभापति रामहरि खतिवडाले बाढी
प्रभावित ओखलढुंगाका नागरिकलाई आर्थीक सहयोग गर्नुभएको छ । असोज १२ गते आएको
भेलबाढी पिडित सुनकोशी र चम्पादेवीका नागरिकहरुलाई ब्यक्तिगत आर्थीक सहयोग गर्नु
भएको हो । सोमबार सुनकोशी गाउँपालिकाका वडा नं १, २ र ४ का १६ जना
बाढीप्रभावितहरुको टोलमा गई बाढी प्रभावितलाई भेटेर आर्थीक सहयोग गर्नुभएको
खतिवडाका स्वकिय सचिव हुकुम राईले जानकारी दिनुभयो । चम्पादेवी गाउँपालिकाका १३
जना बाढीप्रभावितहरुलाई भने वडाअध्यक्ष विष्णु पुलामी मार्फत रकम बुझाएको सभापति
खतिवडाले जानकारी दिनुभयो । सुनकोशी र चम्पादेवी गाउँपालिकाका २९ बाढीप्रभावित
परिवारलाई ५ हजारका दरले नगद सहयोग गर्नु भएको छ । दशैँ आएको बेलामा बस्ने बास र
खाने गाँस नभएका बाढी प्रभावित नागरिकहरुरकम पाएपछि खुशी भएका छन् ।
आर्थीक सहयोग पश्चात
सम्बोधन गर्दै खतिवडाले, प्राकृतिक विपत्तिमा कसैको केहि नलाग्ने यसलाई स्विकारेर पाठ सिक्दै
जानु पर्ने बताउनु भयो । साथै बाढीप्रभावितहरुलाई सरकारले ढिला नगरी सबै खालका
सहयोग गर्नुपर्नेमा पनि जोड दिनुभयो । सभापति खतिवडाकै पहलमा सरकारले ओखलढुंगाको
सुनकोशी गाउँपालिका र चम्पादेवी गाउँपालिकालाई बाढी संकटग्रस्त क्षेत्र घोषणा
गरिएको छ । सोमबार भएको आर्थीक सहयोग वितरण कार्यक्रममा सभापति रामहरि खतिवडा, पूर्वमन्त्री कोशी
प्रदेशसभा सदस्य प्रदिपकुमार सुनुवार जिल्ला पार्टी सभापति एवं सिद्धिचरण
नगरपालिकाका मेयर तेजन खनाल ( तेजेन्द्र), सुनकोशी गाउँपालिका
प्रमुख कमल तामाङ्ग, ट्रेडयुनियन कांग्रेसका पूर्व अध्यक्ष खिलानाथ लुइटेल, वडा अध्यक्ष प्रकाश
सापकोटा लगायतको उपस्थिति रहेको थियो ।
