ओखलढुंगा ५, चैत । बस दुर्घनामा
परि मृत्यु भएकाहरुको परिवारलाई सिद्धिचरण नगरपालिकाले राहत वितरण गरेको छ ।
सिद्धिचरण नगरपालिका वडा नं ५ बर्णालुकी धनकुमारी भुजेलको परिवार र सि.न.पा. २
ठुलाछापका पेशल भुजेलको परिवारलाई नगद राहत वितरण गरेको हो । मृतकका परिवारलाई
क्रिया खर्च बापत २० हजार नगद वितरण गरिएको हो । स्थानिय सरकार सदैव नागरिक सँगै
भएको अनुभुन गराउन र उहाँहरुको आत्मबलको
बृद्धि गराउनको लागि आर्थीक सहयोग गर्ने परिपाटीको विकास गरेको मेयर तेजन
खनाल ( तेजेन्द्र) ले बताउनु भयो । उहाँ दुवै ठाउका मृतक परिवारको घरमा गई
आफन्तहरुलाई भेटेर नगद सहयोग गर्नुका साथै समबेदना दिनुभएको थियो । गत फागुन २८
गते ओखलढुंगा रुम्जाटारबाट काठमाण्डौ जाँदै गरेको यात्रुबाहक बस सिन्धुली जिल्लाको फिक्कल गाउँपालिका अन्तरगत
कुइभिरमा दुर्घटना भएको थियो । बसमा सवार ३६ जना मध्य ६ जनाको घटनास्थलमै मृत्यु
भएको थियो । उक्त दुर्घटनामा ओखलढुंगाका दुई जनाको घटनास्थलमा नै ज्यान गएको थियो
। घाइतेहरुको काठमाण्डौमा उपचार भईरहेको छ । बर्णालुकी मृतक धन कुमारी भुजेलको
दुइजना छोरा हरु कक्षा ११ र १२ मा अध्ययनरत छन् । छोराहरुलाई भेट्न जाने क्रममा
गाडी दुर्घटना भई मृत्यु भएको थियो । त्यसै गरि ठुलाछापका पेशल भुजेलको परिवारमा
साना ३ जना छोराछोरी रहेका छन् । उनिहरुलाई पालनपोषणमा नै समस्या भएको र बस्नलाई
घरसमेत राम्रो नभएको नेपाली कांगेसका नेता टिकाराम कार्कीले बताउनु भयो । राहत
वितरणका लागि नगरप्रमुख तेजेन्द्र खनाल, प्रमुख प्रशासकिय
अधिकृत बलराम लम्साल, खरिदार (सहायक चौथो) चुडामणी दाहाल र कम्प्युटर अपरेटर पदम
परियारको उपस्थिति रहेको थियो ।
