त्रिशूली बस दुर्घटना : ६ जनाको मृत्यु

झगनखबर

फागुन २५ । कपिलवस्तुबाट काठमाडौँतिर आउँदै गरेको लु २ ख २१२१ नम्बरका यात्रुवाहक बस धादिङमा त्रिशुली नदिमा खसेको छ । बस दुर्घटनामा परी ६ जनाको ज्यान गएको छ भने ३५ जना भन्दा बढी घाइते भएका छन् । धादिङ जिल्लाको  गजुरी गाउँपालिका वडा नं ५ घाटबेँसीमा दुर्घटनामा परेको थियो ।

बस पृथ्वीराजमार्गबाट करिब एक सय मिटर तल त्रिशूली नदीमा खसेको हो । घटनास्थलमा नेपाल प्रहरी, सशस्त्र प्रहरी, नेपाली सेना तथा स्थानीय उद्धारमा खटिरहेका छन् । सशस्त्र प्रहरी, विपद् व्यवस्थापन तालिम शिक्षालय कुरिनटार चितवनको टोली पनि उद्धारमा पुगेको छ ।

बस चालक रूपन्देही लुम्बिनी संस्कृति नगरपालिका वडा नं ९का ३८ वर्षीय हरिराम हरिजनलाई प्रहरीले नियन्त्रणमा लिएको छ । मृतकको सनाखत हुन बाँकी रहेको जिल्ला प्रहरी कार्यालय धादिङका प्रहरी उपरीक्षक गौतम केसीले जानकारी दिनुभयो।