घर जलेर नष्ट, करिब तिन लाखको क्षती

बैशाख २६ (झगनखबर) । आगलागीका कारण घर जलेर नष्ट हुँदा करिब ३ लाख बराबरको क्षती भएको छ । ओखलढुंगा जिल्ला मानेभन्ज्याङ  गाउँपालिका वडा नं ९ स्थित दुमखिममा कन्ध बहादुर मगरको  घर जलेर नष्ट भएको हो । आगलागीका कारण दुइतले खरको छानो भएको ढुंगामाटोले बनेको  घर जलेर पुर्णरुपमा नष्ट भएको छ । घर भित्र भएको अन्नपात, भाँडावर्तन, लत्ताकपडा, सुन आदी तोला, नगद रु १० हजार सहित जलेर नष्ट हुँदा करिब ३ लाख बराबरको क्षती भएको जिल्ला प्रहरी कार्यालय ओखलढुंगाका प्रहरी निरिक्षक देवेन्द्र दासले बताउनु भयो । मंगलबार बिहान लगभग ८:१५ बजेको समयमा आगलागी भएको थियो । आगो के कारण लागेको हो भन्ने नखुलेको प्रहरीले जनाएको छ । स्थानिय बासीको सहयोगमा आगो नियन्त्रणमा लिएका थिए । आगलागी बाट कुनै पनि मानविय तथा पशुचौपायाको क्षती नभएको स्थानिय बासीले बताएका छन् ।