कातिक ९ । गृहमन्त्री रमेश लेखकले
सहकारी ठगी प्रकरणमा फरार रहेका गितेन्द्रबाबु (जीबी) राईको नामबाट आएको इमेलबारे
ब्रिफिङ गर्नु भएको छ । शुक्रबार बसेको सत्तारुढ सात दलको बैठकमा जीबी राईको
नामबाट आएको इमेल बारेमा ब्रिफिङ गर्नु भएको हो । उहाँका अनुसार यो इमेलबारे
प्रहरीको साइबर ब्युरोले अनुसन्धान गरिरहेको छ ।
मन्त्री लेखकले उक्त इमेल रास्वपा
सभापति रवि लामिछानेमाथि भइरहेको अनुसन्धानमा नयाँ क्लू हुनसक्ने बताउनु भयो ।
सरकारमा सहभागी र समर्थन गर्ने सात राजनीतिक दलको बैठक शुक्रबार, बालुवाटारमा बसेको थियो । बैठकमा गृहमन्त्री
लामिछानेले सूर्यदर्शन लगायतका सहकारीको रकम अपचलनमा पक्राउ पूर्जी जारी भएको, तर हाल फरार रहेका जीबी राईको नाममा
सञ्चार माध्यमहरुलाई आएको इमेल सुनाउनु भएको थियो ।
जीबीको तर्फबाट भन्दै सञ्चार
माध्यमहरुलाई आएको इमेलमा रवि लामिछानेकै योजनामा सहकारीको पैसा टीभीमा लगेको
लगायतका दाबी गरिएको छ । यदि यो इमेलमा भनिएअनुसार भए रविमाथि थप अनुसन्धान हुने
गृहमन्त्रीको प्रष्ट संकेत थियो ।
