असोज १२ । अविरल वर्षाको कारण
सिद्धिचरण लोकमार्ग अबरुद्ध भएको छ । ओखलढुंगाको मानेभञ्ज्याङ गाउँपालिका वडा नं ६
र ७ को सिमानामा पर्ने भँडारे खोलामा लेदो
सहितको बाढीका कारण लोकमार्ग अवरुद्ध भएको
हो । भँडारे खोला नजिकै २ ठाँउमा सडक
भन्दा माथिबाट पहिरो समेत गएको छ । केहि
दिनदेखिको अबिरल वर्षाका कारण भँडारे खोला र त्यसको नजिकै सडक भन्दा माथीबाट पहिरो
खसेर सडक अबरुद्ध भएको जिल्ला प्रहरी कार्यालय ओखलढुंगाले जनाएको छ । सडक विभाग सँगको समन्वयमा जेसिबी मार्फत सडक खुलाउने प्रयास भएपनि लेदो बगीरहने
समस्याले सुचारु हुन नसकेको जनाएका छन् ।
पानी र लेदो बग्ने क्रम जारी रहेकोले उक्त सडक
सुचारु गर्न नसकिएको जिल्ला प्रहरी कार्यालयका प्रमुख प्रहरी नायब उपरिक्षक कृष्ण
खड्काले बताउनु भएको छ ।
१२ असोज २०८१, शनिवार ०८:३८ मा प्रकाशित
463
