२८ असार। नारायणगढ–मुग्लिन सडकको सिमलतालमा लेदोसहितको
पहिरोमा परेका दुबै बस त्रिशूली नदीमा खसेको आशंका प्रहरीले गरेको छ । दुइवटा बसमा
चालकसहित करिब ६५ यात्रु रहेको अनुमान गरिएको छ ।
चितवनका प्रमुख जिल्ला अधिकारी इन्द्रदेव यादवका
अनुसार शुक्रबार बिहान करिब साढे तीन बजेतिर वीरगञ्जबाट काठमाडौंतर्फ आइरहेको
बागमती प्रदेश १५१६ नम्बरको एन्जल डिलक्स लेखेको बस र काठमाडौंबाट गौरतर्फ जाँदै
गरेको नम्बर नखुलेको गणपति डिलक्स लेखेको बस भरतपुर महानगरपालिका वडा नम्बर २९
सिमताल भन्ने स्थानमा पहिरोमा परेका थिए ।
प्रमुख जिल्ला अधिकारीका अनुसार गौर
जाँदै गरेको बसमा ४१ र काठमाडौं आउँदै गरेको बसमा २४ जना यात्रु रहेको अनुमान छ ।
यद्यपि यात्रुहरुको एकिन विवरण भने थाहा हुन सकेको छैन । पहिरो पन्छाउँदै खोजी
कार्य जारी भईरहेको प्रहरीले जानकारी दिएको छ ।
जिल्ला प्रहरी कार्यालय चितवनले खोज
तथा उद्धारमा ७५ जनाको खटाइएको र त्रिशूलीमा बस खोज्न गोताखोर पनि झिकाइएको
जनाएको छ ।
