राजकुमार कार्की
माघ १३ । ओखलढुंगा जिल्लाको भदौरेमा मगर
दम्पतिको हत्याको घटना सेलाउन नपाउदै फेरि राई दम्पतिको विभत्स हत्या भएको छ ।
चिशंखुगढी– ६, भदौरेको बोहोरे टोलका ८० वर्षीय चन्द्रविक्रम राई र उहाँकी धर्मपत्नि
चन्द्रमाया राईको गएराती हत्या भएको हो ।
पसल सन्चालन
गर्दै आएका राई दम्पतिको लुटपाटपछि हत्या गरिएको हुनसक्ने स्थानीय बासीले बताएका
छन् । घट्ना भएको जानकारी पाउने विक्तिक्कै
प्रहरीको टोलीले घट्नास्थलमा सुरक्षा व्यवस्था कडा बनाइएको प्रहरी नायव
उपरिक्षक मदन केसीले बताउनु भयो । उहाले
भन्नुभयो;
‘घट्नास्थल
सुरक्षीत गरिएको छ, थप अनुसन्धान र सुरक्षाको लागि प्रहरी परिचालन गरिएको छ ।’
केहि समय अगाडी पुस १५ गते भदौरेको गैरीगाउँमा मगर दम्पतिको लुटपाटपछि
हत्या गरिएको थियो । त्यो भन्दा अगाडी असोज २६ गते सिद्धिचरण नगरपालिका ४ चार्खुमा
एकल महिला रत्न कुमारी कटवाल (कार्की) को पनि हत्या गरिएको थियो । हत्यामा संलग्न
भएको आरोपमा चारजान युवा, मिलन भन्ने संगम राई, विनोद राई, प्रकाश भुजेल र
दोर्जे भन्ने अशोक भुजेल पक्राउ गरी अनुसन्धान गरिरहेको छ ।
फेरि त्यहि ठाउँमा अर्का दम्पतिको उस्तै प्रकृतिमा
हत्या गरिनुले आम नागरिकमा त्रास पैदा भएको छ । श्रृंखलाबद्धरुपमा भएका कटनाका
कारणले स्थानीयबासी त्रसित हुनुका साथै सुरक्षा चुनौति समेत बढेको छ । गाउँघरमा
हुने यस्ताखालका घट्नाले नागरिकको सुरक्षामा चुनौति थपिएको भन्दै, दोषी तत्काल पत्ता
लागाई कारर्वाहीको दायरमा ल्याउन स्थानीयबासीले प्रहरी समक्ष आग्रह गरेका छन्
।
