ओखलढुंगा २९,
फागुन । बढ्दो सवारी
दुर्घटना रोक्न जिल्ला प्रहरी कार्यालय ओखलढुंगाले ट्राफिक नियम पालनामा कडाई गर्ने भएको छ । ट्राफिक नियमलाई कडाईका
साथ पालना गराउने टाइम कार्ड लागु गराउने, क्षमता भन्दा बढी
यात्रु बोक्न नपाउने नियमलाई कडाईका साथ पालना गराउने भएको हो । फागुन २८ गते
जिल्ला प्रहरी कार्यालय ओखलढुंगामा पत्रकार भेटघाट कार्यक्रमको आयोजना गरि जानकारी
दिएको हो । ट्राफिक नियमको पालना नगरी सवारी सन्चालन गर्ने परिपाटीको अन्त्य गरेर
दुर्घटना न्युनीकरण गर्ने प्रहरी नायब उपरिक्षक दिपक बहादुर केसीले बताउनु भयो ।
कोरोना आउनु भन्दा अगाडी सार्वजनिक सवारी साधनमा टाइमकार्डको अनिवार्य प्रयोग भएको
भएपनि कोरोना पछि यसको प्रयोगमा कमी आएको थियो । अब लामो दुरीको सवारीसाधनमा
अनिवार्य रुपमा टाइमकार्डको प्रयोग गर्ने ब्यवस्था गर्न लागेको जानकारी दिनुभयो ।
क्षमता भन्दा बढी यात्रु बोकेर जिल्ला
भित्र तथा बाहिर जाने सवारी साधनलाई छड्के चेकिङ मार्फत कारबाही गरिने योजना रहेको प्रहरी नायब उपरिक्षक केसीले
बताउनु भयो ।
