झगनखबर
मंसिर २० । नेपाली
कांग्रेसका महामन्त्री गगन कुमार थापाले नेपाली कांग्रेसले चाहेर बनाएको संविधान
भएको बताउनु भएको छ । बी.पी स्मृति भवन उद्घाटन गर्न ओखलढुंगा आईपुग्नु भएका थापाले
कार्यक्रमलाई सम्बोधन गर्दै यस्तो बताउनु भएको हो ।
माओबादीले चाहेजस्तो, मधेसी पार्टीले
चाहेजस्तो संविधान नभई नेपाली कांग्रेसले चाहेर बनाएको संविधान भएकाले यसलाई
जोगाउने दायित्व पनि नेपाली कांग्रेस नै भएको बताउनु भयो । यो व्यवस्था हाम्रो जग
हो, यो संविधान हाम्रो जग
हो । नेता गिरिजा प्रसाद कोईरालाको नृतृत्वमा भएको शान्ति प्रकृया, नेता सुशिल कोईरालाको
नेतृत्वमा बनेको संविधान र नेता शेर बहादुर देउवाको कार्यान्वयनमा लिएर गएको यो
संविधान हो । उहाले भन्नु भयो; ‘ यो
संविधान माओबादीले चाहेजस्तो होइन, एक मधेश एक प्रदेश हुनुपर्छ भन्ने
मधेशबादी दलले चाहे जस्तो पनि होइन, कांग्रेसले चाहेर बनाएको संविधान हो ।’ हामीले चाहेका सबै
कुरा परेनन् होला,
पर्दैनन्
पनि ! देशभित्र सबैलाई मिलाउनु पर्छ । मूलतः यो लोकतान्त्रीक गणतन्त्रको संविधान
नेपाली कांग्रेसको जगमा बनेको संविधान भएको बताउनु भयो । अरुपार्टीले चाहेको जस्तो
संविधान नभएको पनि बताउनु भयो ।
संधिान कार्यान्वयन गर्न केहि समस्या आएका छन् ।
यस्तो समस्या नेपालमा मात्र नभएर सन्सार भरी आउने गरेको बताउनु भयो । निर्वाचन
प्रणालीको उदेश्य सबै वर्गको सहभागीता संसदमा होस भनेर बनाएको हो । तर यहाँ त्यस्तो नभई यसको दूरुपयोग गरि इष्टमित्र, नातागोता आफन्त पैसा
भएका मानिसले समानुपातिकको नाममा टिकट लिएर गएका छन् । यसलाई रोक्ने दायित्व नेपाली कांग्रेसको
भएको बताउनु भयो । प्रदेशलाई दिनुपर्ने
अधिकार केन्द्रले मुठी कसेर बसेको छ काम गर्नेलाई काम गर्न दिएको छैन यसले संविधान
कार्यान्वयनमा समस्या भएको बताउनु भयो ।
