मेषः चु चे चो ला लि लु ले लो अ
साताको प्रारम्भमा आफुलाइ
ऊर्जावान महसुस गर्नु हुनेछ। नयाँ कार्य गर्नमा मन लाग्नेछ। रमाइलो जमघटको बीच
स्वादिष्ट भोजन को आनन्द पाइएला। साताको मध्यमा विगतका कमी कमजोरीलाई सुधार्ने
अवसर मिल्नेछ। परिजनहरूसँग भेटघाटको योग छ। साताको अन्तिममा कार्यक्षेत्रमा आफूमाथि
विश्वास राखी निर्णय लिनुहोला सफलता मिल्नेछ। विद्यार्थीहरूको पठनपाठनमा मन
लाग्नेछ। रुचिको कार्यमा मन लाग्नेछ्। सदैव गायत्री मन्त्रको जप गरेर दिनको
प्रारम्भ गर्नुहोस्। यो साताको शुभ रंग रातो र सुन्तोला हो भने शुभ अंक २ र ५
रहेको छ।
वृषः इ उ ए ओ वा वि वु वे वो
साताको प्रारम्भमा वैदेशिक रोजगारबाट
विशेष लाभ प्राप्त हुनेछ। सवारी साधनमा धन खर्चका योग छन्। साताको मध्यमा नोकरी वा
पेशामा योग्यताको मूल्यांकन हुनेछ। कार्यक्षेत्रमा नयाँ कार्यको प्रस्ताव मिल्नेछ।
साताको अन्तिममा व्यापार व्यवसायमा बोलीले अरुलाई प्रभावित गर्न सक्नुहुनेछ।
अरुलाई सल्लाह दिनदेखि बच्नुहोला। गृहणीहरूको गृहकार्यमा समय बित्नेछ। सदैव भगवान
विष्णुलाई तुलसीदल अर्पण गरेर दिनको प्रारम्भ गरौं। यो साताको शुभ रंग सेतो र
केसरी हो भने शुभ अंक ५ र ७ रहेको छ।
मिथुनः का कि कु घ ङ छ के को हा
साताको प्रारम्भमा आफन्तहरूबाट
सोचेजस्तो सहयोग नमिल्ला। व्यापार व्यवसायबाट मनग्य लाभ मिल्ला। साताको मध्यमा
कार्यक्षेत्रमा आटेको कार्य समयमा सम्पादन गर्न सक्नुहुनेछ। कला वा साहित्यको
क्षेत्रमा विशेष सफलता मिल्ला। साताको अन्तिममा माताको स्वास्थ्यलाई लिएर चिन्ता
रहनेछ। युवा वर्गहरुले आफ्नो करियरलाई लिएर कठोर निर्णय लिने समय रहेको छ।
आफन्तहरूबाट टाढा हुने योग छ। सदैव गणेशजीलाई दुवो अर्पण गरेर दिनको प्रारम्भ
गरौं। यो साताको शुभ रंग सेतो र निलो हो भने शुभ अंक २ र ९ रहेको छ।
कर्कटः हि हु हे हो डा डि डु डे डो
साताको प्रारम्भमा धैर्य र पराक्रम वृद्धि हुनुको साथै नयाँ कार्य कार्यान्वित गर्न लागि उचित समय रहेको छ। कार्यक्षेत्रमा आफूभन्दा ठूलाको सहयोग मिल्ला। साताको मध्यमा सन्तानको प्रगतिले मन हर्षित रहनेछ। विद्यार्थीहरूलाई शिक्षामा सफलता मिल्नेछ। साताको अन्तिममा गुमाएको कार्य वा गुमाएको स्थान स्थापित गर्नको लागि संघर्ष गर्नुपर्ला। शत्रुहरू हावी हुनेछन् सावधान रहनुहोस्। सदैव भगवान शिवलाई जल अर्पण गरेर दिनको प्रारम्भ गर्नुहोस्। यो साताको शुभ रंग पहेलो र सेतो हो भने शुभ अंक २ र ४ रहेको छ।
सिँहः मा मि मु मे मो टा टि टु
साताको प्रारम्भमा सकारात्मक
विचारले मन प्रसन्न रहनेछ। धर्मकर्ममा मन लाग्नेछ। निभाउन नसकिने वाचा नगरौँ।
साताको मध्यमा पेटसम्बन्धी समस्या देखा पर्न सक्ला खानपानमा विशेष ध्यान दिनुहोस्।
सवारी साधनमा धन खर्च हुनेछ। विद्यार्थीहरूको तर्कशक्तिमा वृद्धि हुनेछ। साताको
अन्तिममा नोकरी पेशामा वा पेशामा सहकर्मीहरूको साथ मिल्नेछ। मीडिया र चलचित्रको
क्षेत्रबाट लाभ पाइनेछ। प्रतिस्पर्धी छात्रहरूलाई प्रतीस्पर्धामा सफलता मिल्नेछ।
सदैव भगवान सूर्यलाई अर्घ्य दिएर दिनको प्रारम्भ गरौं। यो साताको शुभ रंग रातो र
सेतो हो भने शुभ अंक १ र ६ रहेको छ।
कन्याः टो पा पि पु ष ण ठ पे पो
साताको प्रारम्भमा संचित धनमा
वृद्धि हुनेछ। व्यापार व्यवसायमा नयाँ अवसरहरू हात लागि पर्नेछ। विशिष्ट
व्यक्तिहरूसँग निकटता बढ्नेछ। साताको मध्यमा कार्यक्षेत्रमा श्रमको अनुरूप सफलता
मिल्नेछ। नोकरी वा पेशामा नयाँ जिम्मेवारी मिल्नेछ। मन ऊर्जावान रहनेछ। साताको
अन्तिममा माताको स्वास्थ्यलाई लिएर चिन्ता रहनेछ। आर्थिक पक्ष सामान्य रहनेछ।
अध्ययनमा प्रगति हुनेछ। कार्यक्षेत्रलाई लिएर गरिएको यात्रा सफल रहनेछ। सदैव भगवान
शिवलाई जल अर्पण गरेर दिनको प्रारम्भ गरौं। यो साताको शुभ रंग सुन्तला र हरियो हो
भने शुभ अंक १ र ६ रहेको छ।
तुलाः रा रि रु रे रो ता ति तु ते
साताको प्रारम्भमा
आत्मविश्वासमा वृद्धि हुनेछ। आफ्नो व्यक्तित्वलाई निखार्ने समय रहेको छ। साताको
मध्यमा श्रमको उचित मूल्यांकन नमिल्ला। माताको स्वास्थ्यलाई लिएर चिन्ता रहनेछ।
पारिवारिक सद्भावमा मनमुटाव आउनेछ। साताको अन्तिममा स्वास्थ्य कमजोर रहनेछ।
राजनीतिक क्षेत्रमा प्रभाव बढ्नेछ। भावनामा आएर निर्णय नलिनुहोला। सदैव
दुर्गाजीलाई रातो फुल अर्पण गरेर दिनको प्रारम्भ गर्नुहोस्। यो साताको शुभ रंग
हरियो र निलो हो भने शुभ अंक १ र ७ रहेको छ।
वृश्चिकः तो ना नि नु ने नो या यि यु
साताको प्रारम्भमा स्वास्थ्यमा
सुधार हुनेछ। कानुनी समस्याहरू लम्विनेछ। साताको मध्यमा धर्मकर्ममा रुचि बढ्नेछ।
पितासँगको सम्बन्ध प्रगाढ हुनेछ। साताको अन्तिममा व्यापार व्यवसायमा लाभ मिल्नेछ।
कार्यक्षेत्रमा लिएका निर्णयहरूको प्रशंसा हुनेछ। यात्रा सुखद वा नयाँ सम्पर्क
बढाउनेवाला हुनेछ। सदैव कालभैरवको दर्शन गरी दिनको प्रारम्भ गर्नुहोस्। यो साताको
शुभ रंग बैजनि र सेतो हो भने शुभ अंक ३ र ७ रहेको छ।
धनुः ये यो भा भि भु धा फा ढा
भे
साताको
प्रारम्भमा उच्च शिक्षाको लागि नयाँ अवसर प्राप्त हुनेछ। साहित्य वा लेखन कलामा
निखार आउनेछ। साताको मध्यमा पिताको स्वास्थ्यलाई लिएर चिन्ता रहनेछ। कानुनी मुद्दा
मामलाहरूमा सफलता मिल्नेछ। साताको अन्तिममा व्यापार व्यवसायलाई लिएर गरिएको यात्रा
लाभदायक रहनेछ। शेयर बाजारबाट मनग्य धन आर्जन गर्न सकिनेछ। सदैव भगवान शिवलाई जल
अर्पण गरेर दिनको प्रारम्भ गर्नुहोस्। यो साताको शुभ रंग सेतो र गुलाबी हो भने शुभ
अंक ६ र ९ रहेको छ।
मकरः
भो जा जि जु जे जो ख खि खु खे खो गा गि
साताको प्रारम्भमा साझेदारी
व्यापारबाट लाभ हुने सम्भावना रहेको छ। दाम्पत्य जीवन सुखमय रहनेछ। साताको मध्यमा
स्वास्थ्यमा भने केही समस्या देखा पर्नेछ। व्यवहारलाई अत्यन्तै संयम राख्नु पर्ने
समय छ। वैदेशिक रोजगारमा सफलता पाइनेछ। साताको अन्तिममा धर्मकर्ममा रुचि बढ्ने
साथै घरमा कुनै मांगलिक कार्यका योग छन्। प्रेमपक्षलाई विवाहना सम्म पुराउनको लागि
कुरा अगाडि बढाउनुहोस्। यो साताको शुभ रंग सिन्दुरी र केसरी हो भने शुभ अंक ४ र ८
रहेकोछ।
कुम्भः
गु गे गो सा सि सु से सो दा
साताको प्रारम्भमा आफन्तसँगको
मनमुटाव सुल्झिनेछ। घैर्यको कमीले कार्यक्षेत्रमा अधिकारीहरूबाट सोचेजस्तो सम्मान
नमिल्ला। जग्गा जमिनबाट लाभ मिल्नेछ। साताको मध्यमा भावनामा आएर निर्णय नलिनुहोला।
गृहणीहरूको अधिकांश समय धार्मिक कार्यहरूमा बित्नेछ। साताको अन्तिममा रोग
प्रतिरोधात्मक क्षमता बढाउनको लागि पौष्टिक आहारको सेवन गर्नुहोस्। सवारी साधन
चलाउँदा सावधान रहनुहोला। सदैव हनुमान चालिसाको पाठ गरेर दिनको प्रारम्भ गर्नुहोस।
यो साताको शुभ रंग रातो र निलो हो भने शुभ अंक २ र ३ रहेको छ।
मीनः
दि दु थ झ ञ दे दो चा चि
साताको प्रारम्भमा आर्थिक पक्ष सबल रहनेछ। आफन्तजनहरूबाट राम्रो
सहयोग मिल्नेछ। कार्यक्षेत्रमा नयाँ आयका स्रोतहरू बढ्नेछन्। साताको मध्यमा प्रेम
सम्बन्धमा छोटो मिठो यात्रा रहन सक्ला। नयाँ पहिरनको अवसर मिल्नेछ। साताको
अन्तिममा कार्यक्षेत्रमा जीवनसाथीको सहयोग मिल्नुको साथै प्रेमको बन्धन कसिने छ।
सदैव भगवान विष्णुको आराधना गरेर दिनको सुरुवात गरौं। यो साताको शुभ रंग पहेलो र
खैरो हो भने शुभ अंक ४ र ९ रहेको छ।
ज्योतिष पण्डित धर्मेन्द्र कृष्ण पौडेल
