खिजीदेम्बामा भिषण आगलागी, २२ लाख भन्दा बढीको क्षति

 पुस २७ । जिल्लाको खिजीदेमबा गाउँपालिका वडा नं ५ मा आगोलगीले ठुलो क्षति भएको छ । स्थानिय लक्ष्मी  तामाङको घरमा विद्युत सर्टभई लागेको आगोले ठुलो क्षति भएको हो । २७ गते विहान करिब १ बजेको समयमा भएको आगोलागीले तामाङको ढुंगामाटो र जस्ताको छानो भएको घर पूर्णरुपमा जलेर नष्ट भएको छ । सोइ घरमा खिजीदेम्बा ३ का बिनोद सुनुवारले सन्चालन गर्नुभएको कपडा पसल, वडा नं ५ का दशरथ सुनुवारले सन्चालन गर्नुभएको होटल समेत जलेर नष्ट भएको जिल्ला प्रहरी कार्यालय ओखलढुंगाले जानकारी दिएको छ ।

उक्त आगोलागीले वरिपरीका तीनवटा घरमा समेत क्षति भएको छ । ङवाङ फुरि शेर्पा को एकतल्ले पक्कि घरको २ बटा झ्याल जलेर नष्ट भएको छ । निमा तामाङको तिन तल्ले पक्की घरको पहिलो र दोस्रो तल्लाको चार वटा झ्याल जलेर नष्ट भएको छ। गोपाल बि.क.को चार तल्ले पक्कि घरको ५ वटा झ्याल जलेर नष्ट भएको छ। उक्त अगोलागीबाट मानवीय तथा चौपयाको  क्षति भने भएको छैन । विहान राती लागेको आगो इलाका प्रहरी कार्यालय र स्थानियबासीको सहयोगमा नियन्त्रणमा लिएको थियो ।