राजकुमार कार्की
माघ १७ । जिल्लाको मानेभञ्ज्याङ्ग
गाउँपालिका–५, रिचुवाका प्रेम बहादुर राईको भीरबाट लडेर मृत्यु भएको छ । बाख्रा चराउने
क्रममा महादेवस्थान सामुदायिक वनको भीरबाट लडेर घट्नास्थलमै मृत्यु भएको हो ।
शुक्रबार दिउसो बाख्रा चराउन गएका ६८ वर्षीय राई
लामो समय घर नआएपछि परिवारले खोजी गरेका थिए । खोजी गर्ने क्रममा शनिबार दिउसो
करिब ३ बजेको समयमा मृतअवस्थामा फेला पारेका थिए । घरबाट करिब ३ किलोमिटर टाढा
रहेको महादेवस्थान सामुदायिक वनको भीरबाट लडेर करिब ५०० मिटर तल खसेको अवस्थामा
फेला पारेको स्थानीयबासीले जानकारी दिएका छन् । बृद्ध राईलाई मृतअवस्थामा फेला
पारेपछि प्रहरीलाई खबर गरेका थिए । प्रहरी चौकी मानेभञ्ज्याङ्गबाट प्रहरी नायव
निरीक्षक केशवराज मैनालीको कमाण्डमा गएको टोलीले घट्नास्थल सुरक्षीत गरिएको छ । थप
अनुसन्धान र कानूनी प्रकृयाका लागि जिल्ला प्रहरी कार्यालयबाट प्रहरी निरीक्षक
विक्रम बहादुर भट्टराईको कमाण्डमा
घट्नास्थलतर्फ गएको जिल्ला प्रहरी कार्यालय ओखलढुंगाले जानकारी दिएको छ ।
