राजकुमार कार्की
बैशाख १७ ।
रुम्जाटार कुइभीर सडक अन्तरगत खार्ते खोलाको मोटरेबल पूल निर्माणको अन्तिम चरणमा
पुगेको छ । गत वर्षको जेठमा आएको भेलबाढीले बगाएको मोटरेबल पूल, पुनः निर्माण सम्पन्न
हुन लागेको हो । २०८१ सालको भदौ महिनामा सम्पन्न गर्ने गरी २०८० साल कार्तिकमा
पुस्पान्जली कन्ट्रक्सन कम्पनीले ठेका
सम्झौता गरेको थियो । स्थानीय सडक पुल कार्यक्रम (एलआरबीपी) मानभवन ललितपुरको सहयोगमा
६० मिटर लम्बाई र ५ मिटर चौडाई भएको मोटरेबल पूल निर्माणको लागि सम्झौता भएको थियो
। २०८१ भदौको अन्तिममा काम सम्पन्न गर्नेगरी ठेक्का सम्झौता भएको कार्यालयका
इन्जिनियर सबिन लामाले जानकारी दिनुभयो ।
मोटरेबल पूलमा आवश्यक
पर्ने समम्पुर्ण सामग्रीहरु फिल्डमा ल्याएर निर्माणको काम धमाधम भईरहेको बेलामा
बाढीले बगाएको थियो । २०८१ साल जेठ १२ गते खार्तेखोलामा आएको बाढीले सम्पुर्ण
निर्माण सामग्रीहरु बगाएको निर्माण कम्पनीले जनाएको छ । १ लाख केजी फलामे ट्रस्ट, ग्याबिन जाली लगायत
निर्माणमा प्रयोग गरिने सामग्रीहरु बगाउदा ७२ लाख बराबरको घाटा भएको निर्माण
कम्पनीको दाबी रहेको छ । फलामे ट्रस्टको
करिब ६० प्रतिशत इन्स्योरेन्स भुक्तानी नभएका कारण ठुलो घाटा ब्यहोर्नु परेको
निर्माण ब्यावसायी बबि श्रेष्ठले जानकारी दिनुभयो ।
बाढीले बगाएर
पूर्णक्षति भएको मोटरेबल पूलको काम धमाधम भईरहेको छ । असार मसान्त आगावै सम्पन्न
गर्ने गरी काम भईरहेको निर्माण काम्पनीले जनाएको छ । पूल निर्माणको काम करिब ८०
प्रतिशत भन्दा पनि बढी सम्पन्न भईसकेको स्थानीय सडक पूल कार्यक्रमका इन्जिनियर
सबिन लामाले जानकारी दिनुभयो । मुख्य अफ्ठ्यारो ट्रस्ट जोड्ने काम सम्पन्न हुन
लागेको र अब कठिन काम कम भएकाले समयमै काम सम्पन्न हुने इन्जिनियर लामाले
बताउनु भयो ।
पूलको निर्माण
सामग्री बाढीले बगाएको समयमा र अरुबेलामा पनि सामान्य सहयोगका लागि हारगुहार
गर्दा चिशंखुगढी गाउँपालिकाले कुनै सहयोग
नगरेको निर्माण व्यावसायीको गुनासो रहेको छ । स्थानीय तहले सडक मर्मत नगरेका कारण
पूल निर्माण सामग्री ल्याउन करिब १ लाख ५० हजार रकम खर्च गरेर सडक मर्मत गर्नु परेको निर्माण
व्यावसायी श्रेष्ठले बताउनु भयो । निर्माणाधिन मोटेरेबल पूल खार्तेखोला चिसंखुगढी गाउँपालिका वडा नं ३ र ८
मा पर्दछ ।
