राजकुमार कार्की
साउन २५ ।
ओखलढुंगा जिल्लाका गरिब असहाय तथा विपन्न
नागरिकको निशुल्क शल्यक्रिया हुने भएको छ । काठमाण्डौ मेडिकल कलेजले ओखलढुंगा
जिल्लाका शल्यक्रिया गर्नुपर्ने गरिब, असहाय तथा विपन्न नागरिकको निशुल्क
शल्यक्रिया गरिदिने भएको हो ।
नेपाली कांग्रेसका जिल्ला
सभापति एवं सिद्धिचरण नगरपालिका नगरप्रमुख तेजन खनाल र काठमाण्डौ मेडिकल कलेज
पब्लिक लिमिटेड बिच निशुल्क शल्यक्रिया गर्ने सम्झौता भएको छ । ओखलढुंगा जिल्लाका
नागरिकहरुको रोगको स्पष्ट पहिचान भई शल्यक्रिया गर्नु पर्ने तर आर्थीक अभावका कारण
शल्यक्रिया गर्न नसकिरहेका ओखलढुंगलीहरुको निशुल्क शल्यक्रिया गरिदिने सम्झौता
भएको छ ।
काठामाण्डौ मेडीकल
कलेज काठमाण्डौका कार्यकारी अध्यक्ष सोइना शर्माले हस्ताक्षर गरेको पत्र साउन २५
गते नेपाली कांग्रेस ओखलढुंगाका सभापति एवं सिद्धिचरण नगरप्रमुख तेजन खनाल
(तेजेन्द्र) लाई लिखित पत्र बुझाएका छन्
।
पत्रमा भनिएको छ; ‘तपाँईको अनुरोधमा यस काठमाण्डौ मेडीकल कलेज पब्लिक
लिमिटेडले त्यस नगरपालिका लगायत ओखलढुंगा जिल्ला भित्रका विपन्न, गरिब असहाय
नागरिकहरुको रोगको स्पष्ट पहिचान भई शल्यक्रिया गर्नुपर्ने र अस्पतालमा भर्ना भई
उपचार गराउनु पर्ने विरामीहरुलाई तपाईबाट सिफारिस भई आएअनुसार मिति २०८१ असोज १
गतेका दिन अस्पताल सेवा सहित निशुल्क शल्यक्रिया सेवा प्रवाह गरी उपचार दिने
ब्यहोरा जानकारी गराउँदछु ।’
साथै बिरामीले औषधी
तथा खानेबस्नेको ब्यवस्था भने आफैले गर्नुपर्नेछ । केहि समय अगाडी डा. सुनिल शर्मा
ओखलढुंगा आएको बेलामा मेयर खनालले निशुल्क उपचार तथा शल्यक्रिया गरिदिन आग्रह
गर्नुभएको थियो । सोही आग्रहलाई मध्यनजर गर्दै निशुल्क शल्यक्रिया गर्ने सहमति
भएको सभापति खनालले बताउनु भयो । शल्यक्रिया गर्न तेजेन्द्र खनालको सिफारिसमा गएका
ओखलढुंगाका विरामीहरुलाई निशुल्क शल्यक्रिया गरिने बताएका छन् । साउन २५ गते
शुक्रबार अस्पतालको तर्फबाट डा. सुनिल शर्माले सभापति तेजन खनाल जिल्ला सचिव अजय
लुइटेल सहसचिव भोजकुमार श्रेष्ठलाई पत्र
बुझाएका छन् ।
